UNSA ANG UNANG PAGTULUN-AN SA USA KA TINOOD NA RELIHIYON?

Ang unang pagtulun-an o kinaiyahan sa halos kadaghanan sa mga relihiyon mao ang pagtoo sa usa lamang ka Ginoo o ang Nag-inusarang Ginoo, ang Makakagahum ug ang Nasayod sa tanan. Ang mga nagasunod sa matag usa ka relihiyon nagatoo nga ang ilang Ginoo nga gina-ampuan pareha sa Ginoo nga gina-ampuan sa uban ug ang kalahian lamang niini ang pamaagi o sistema sa pag-ampo ug ang pag-ila sa Iyang Pangalan. Ang ingon niining panan-aw dili madawat sa Islam. Ang Islam nagtino nga ang pagtuo adunay tambayayong nga buhat sumala sa sugo sa Halandong Magbubuhat. Ang pagtoo sa usa lamang ka Ginoo, ang sistema sa pag-alagad ug ang pag-ila sa Iyang ngalan adunay matuud nga sukdanan ug giya nga naga-uyon sa usa lamang kabalaood nga Iyang gihatag.